ტრენინგი თემაზე: „გუნდის სინერგია კონფლიქტების მართვაში“

8 მაისი, 2025

2025 წლის 28 აპრილიდან 2 მაისის ჩათვლით, „პირველი სამედიცინო სასწავლებლის“ თანამშრომლებმა მონაწილეობა მიიღეს 4-დღიან ინტენსიურ ტრენინგში თემაზე: „გუნდის სინერგია კონფლიქტების მართვაში“.

მოწვეული ტრენერი: თინათინ ძოწენიძე.

ტრენინგი მიზნად ისახავდა გუნდის წევრებისთვის იმ პრაქტიკული სტრატეგიებისა და ტექნიკების გაცნობას, რომლებიც ხელს უწყობს:

გუნდის ერთიანობის განმტკიცებას;

ეფექტური კომუნიკაციის წარმოებას;

საერთო ამოცანების წარმატებით შესრულებას;

დროული და შედეგზე ორიენტირებული უკუკავშირის უზრუნველყოფას.

ტრენინგი მიმდინარეობდა საქმიან და მეგობრულ გარემოში, რამაც მნიშვნელოვნად შეუწყო ხელი თანამშრომლებს შორის ცოდნის გაზიარებასა და პრაქტიკულ გამოცდილებაზე დაფუძნებულ სწავლებას.

განსაკუთრებული მადლობა ტრენერს, თინათინ ძოწენიძეს, გაზიარებული გამოცდილებისა და პრაქტიკული რჩევებისათვის.

ასევე, მადლობას ვუხდით, ყველა მონაწილეს აქტიური ჩართულობისა და საინტერესო დისკუსიებისთვის.